Urdu Sad Poetry Ghazal

آج کی شب تو کسی طور گزر جائے گی آج کی شب تو کسی طور گزر جائے گی رات گہری ہے مگر چاند چمکتا ہے ابھی میرے ماتھے پہ ترا پیار دمکتا ہے ابھی میری سانسوں میں ترا لمس مہکتا ہے ابھی میرے سینے میں ترا نام دھڑکتا ہے ابھی زیست کرنے کو مرے پاس بہت کچھ ہے ابھی تیری آواز کا جادو ہے ابھی میرے لیے تیرے ملبوس کی خوشبو ہے ابھی میرے لیے تیری بانہیں ترا پہلو ہے ابھی میرے لیے سب سے بڑھ کر مری جاں تو ہے ابھی میرے لیے زیست کرنے کو مرے پاس بہت کچھ ہے ابھی آج کی شب تو کسی طور گزر جائے گی! آج کے بعد مگر رنگ وفا کیا ہوگا عشق حیراں ہے سر شہر صبا کیا ہوگا میرے قاتل ترا انداز جفا کیا ہوگا! آج کی شب تو بہت کچھ ہے مگر کل کے لیے ایک اندیشۂ بے نام ہے اور کچھ بھی نہیں دیکھنا یہ ہے کہ کل تجھ سے ملاقات کے بعد رنگ امید کھلے گا کہ بکھر جائے گا وقت پرواز کرے گا کہ ٹھہر جائے گا جیت ہو جائے گی یا کھیل بگڑ جائے گا خواب کا شہر رہے گا کہ اجڑ جائے گا Perveen Shakir

تیری خوشبو کا پتا کرتی ہے   تیری خوشبو کا پتا کرتی ہے مجھ پہ احسان ہوا کرتی ہے   چوم کر پھول کو آہستہ سے معجزہ باد صبا کرتی ہے   کھول کر بند قبا گل کے ہوا آج خوشبو کو رہا کرتی ہے   ابر برستے تو عنایت اس کی شاخ تو صرف دعا کرتی ہے   زندگی پھر سے فضا میں روشن مشعل برگ حنا کرتی ہے   ہم نے دیکھی ہے وہ اجلی ساعت رات جب شعر کہا کرتی ہے   شب کی تنہائی میں اب تو اکثر گفتگو تجھ سے رہا کرتی ہے   دل کو اس راہ پہ چلنا ہی نہیں جو مجھے تجھ سے جدا کرتی ہے   زندگی میری تھی لیکن اب تو تیرے کہنے میں رہا کرتی ہے   اس نے دیکھا ہی نہیں ورنہ یہ آنکھ دل کا احوال کہا کرتی ہے   مصحف دل پہ عجب رنگوں میں ایک تصویر بنا کرتی ہے   بے نیاز کف دریا انگشت ریت پر نام لکھا کرتی ہے   دیکھ تو آن کے چہرہ میرا اک نظر بھی تری کیا کرتی ہے   زندگی بھر کی یہ تاخیر اپنی رنج ملنے کا سوا کرتی ہے   شام پڑتے ہی کسی شخص کی یاد کوچۂ جاں میں صدا کرتی ہے   مسئلہ جب بھ...

دھنک دھنک مری پوروں کے خواب کر دے گا   دھنک دھنک مری پوروں کے خواب کر دے گا وہ لمس میرے بدن کو گلاب کر دے گا   قبائے جسم کے ہر تار سے گزرتا ہوا کرن کا پیار مجھے آفتاب کر دے گا   جنوں پسند ہے دل اور تجھ تک آنے میں بدن کو ناؤ لہو کو چناب کر دے گا   میں سچ کہوں گی مگر پھر بھی ہار جاؤں گی وہ جھوٹ بولے گا اور لا جواب کر دے گا   انا پرست ہے اتنا کہ بات سے پہلے وہ اٹھ کے بند مری ہر کتاب کر دے گا   سکوت شہر سخن میں وہ پھول سا لہجہ سماعتوں کی فضا خواب خواب کر دے گا   اسی طرح سے اگر چاہتا رہا پیہم سخن وری میں مجھے انتخاب کر دے گا   مری طرح سے کوئی ہے جو زندگی اپنی تمہاری یاد کے نام انتساب کر دے گا

کچھ تو ہوا بھی سرد تھی کچھ تھا ترا خیال بھی   کچھ تو ہوا بھی سرد تھی کچھ تھا ترا خیال بھی دل کو خوشی کے ساتھ ساتھ ہوتا رہا ملال بھی   بات وہ آدھی رات کی رات وہ پورے چاند کی چاند بھی عین چیت کا اس پہ ترا جمال بھی   سب سے نظر بچا کے وہ مجھ کو کچھ ایسے دیکھتا ایک دفعہ تو رک گئی گردش ماہ و سال بھی   دل تو چمک سکے گا کیا پھر بھی تراش کے دیکھ لیں شیشہ گران شہر کے ہاتھ کا یہ کمال بھی   اس کو نہ پا سکے تھے جب دل کا عجیب حال تھا اب جو پلٹ کے دیکھیے بات تھی کچھ محال بھی   میری طلب تھا ایک شخص وہ جو نہیں ملا تو پھر ہاتھ دعا سے یوں گرا بھول گیا سوال بھی   اس کی سخن طرازیاں میرے لیے بھی ڈھال تھیں اس کی ہنسی میں چھپ گیا اپنے غموں کا حال بھی   گاہ قریب شاہ رگ گاہ بعید وہم و خواب اس کی رفاقتوں میں رات ہجر بھی تھا وصال بھی   اس کے ہی بازوؤں میں اور اس کو ہی سوچتے رہے جسم کی خواہشوں پہ تھے روح کے اور جال بھی   شام کی نا سمجھ ہوا پوچھ رہی ہے اک پتا موج ہوائے کوئے یار کچھ تو مرا خیال بھی

وہ تو خوش بو ہے ہواؤں میں بکھر جائے گا   وہ تو خوش بو ہے ہواؤں میں بکھر جائے گا مسئلہ پھول کا ہے پھول کدھر جائے گا   ہم تو سمجھے تھے کہ اک زخم ہے بھر جائے گا کیا خبر تھی کہ رگ جاں میں اتر جائے گا   وہ ہواؤں کی طرح خانہ بجاں پھرتا ہے ایک جھونکا ہے جو آئے گا گزر جائے گا   وہ جب آئے گا تو پھر اس کی رفاقت کے لیے موسم گل مرے آنگن میں ٹھہر جائے گا   آخرش وہ بھی کہیں ریت پہ بیٹھی ہوگی تیرا یہ پیار بھی دریا ہے اتر جائے گا   مجھ کو تہذیب کے برزخ کا بنایا وارث جرم یہ بھی مرے اجداد کے سر جائے گا

کچھ دے اسے رخصت کر کیوں آنکھ جھکا لی ہے   کچھ دے اسے رخصت کر کیوں آنکھ جھکا لی ہے ہاں در پہ ترے مولا! انشاؔ بھی سوالی ہے   اس بات پہ کیوں اس کی اتنا بھی حجاب آئے فریاد سے بے بہرہ کشکول سے خالی ہے   شاعر ہے تو ادنیٰ ہے، عاشق ہے تو رسوا ہے کس بات میں اچھا ہے کس وصف میں عالی ہے   کس دین کا مرشد ہے، کس کیش کا موجد ہے کس شہر کا شحنہ ہے کس دیس کا والی ہے؟   تعظیم کو اٹھتے ہیں اس واسطے دل والے حضرت نے مشیخت کی اک طرح نکالی ہے   آوارہ و سرگرداں کفنی بہ گلو پیچاں داماں بھی دریدہ ہے گدڑی بھی سنبھالی ہے   آوارہ ہے راہوں میں، دنیا کی نگاہوں میں عزت بھی مٹا لی ہے تمکیں بھی گنوا لی ہے   آداب سے بیگانہ، در آیا ہے دیوانہ نے ہاتھ میں تحفہ ہے، نے ساتھ میں ڈالی ہے   بخشش میں تامل ہے اور آنکھ جھکا لی ہے کچھ در پہ ترے مولا، یہ بات نرالی ہے   انشاؔ کو بھی رخصت کر، انشاؔ کو بھی کچھ دے دے انشاؔ سے ہزاروں ہیں، انشاؔ بھی سوالی ہے   ابنِ انشاء

لیکن بڑی دیر ہو چکی تھی   لیکن بڑی دیر ہو چکی تھی اس عمر کے بعد اس کو دیکھا آنکھوں میں سوال تھے ہزاروں ہونٹوں پہ مگر وہی تبسم! چہرے پہ لکھی ہوئی اداسی لہجے میں مگر بلا کا ٹھہراؤ آواز میں گونجتی جدائی بانہیں تھیں مگر وصال ساماں!   سمٹی ہوئی اس کے بازوؤں میں تا دیر میں سوچتی رہی تھی کس ابر گریز پا کی خاطر میں کیسے شجر سے کٹ گئی تھی کس چھاؤں کو ترک کر دیا تھا   میں اس کے گلے لگی ہوئی تھی وہ پونچھ رہا تھا مرے آنسو لیکن بڑی دیر ہو چکی تھی!

اتنا معلوم ہے   اپنے بستر پہ بہت دیر سے میں نیم دراز سوچتی تھی کہ وہ اس وقت کہاں پر ہوگا میں یہاں ہوں مگر اس کوچۂ رنگ و بو میں روز کی طرح سے وہ آج بھی آیا ہوگا اور جب اس نے وہاں مجھ کو نہ پایا ہوگا!؟   آپ کو علم ہے وہ آج نہیں آئی ہیں؟ میری ہر دوست سے اس نے یہی پوچھا ہوگا کیوں نہیں آئی وہ کیا بات ہوئی ہے آخر خود سے اس بات پہ سو بار وہ الجھا ہوگا کل وہ آئے گی تو میں اس سے نہیں بولوں گا آپ ہی آپ کئی بار وہ روٹھا ہوگا وہ نہیں ہے تو بلندی کا سفر کتنا کٹھن سیڑھیاں چڑھتے ہوئے اس نے یہ سوچا ہوگا راہداری میں ہرے لان میں پھولوں کے قریب اس نے ہر سمت مجھے آن کے ڈھونڈا ہوگا   نام بھولے سے جو میرا کہیں آیا ہوگا غیر محسوس طریقے سے وہ چونکا ہوگا ایک جملے کو کئی بار سنایا ہوگا بات کرتے ہوئے سو بار وہ بھولا ہوگا یہ جو لڑکی نئی آئی ہے کہیں وہ تو نہیں اس نے ہر چہرہ یہی سوچ کے دیکھا ہوگا جان محفل ہے مگر آج فقط میرے بغیر ہائے کس درجہ وہی بزم میں تنہا ہوگا کبھی سناٹوں سے وحشت جو ہوئی ہوگی اسے اس نے بے ساختہ پھر مجھ کو پکارا ہوگا چلتے چلت...

آنکھوں سے میری اس لئیے لالی نہیں جاتی   آنکھوں سے میری اس لئیے لالی نہیں جاتی یادوں سے کوئی رات جو خالی نہیں جاتی اب عمر نہ موسم نہ وہ رستے کہ وہ پلٹے اس دل کی مگر کیوں خام خیالی نہیں جاتی مانگے اگر توں تو جان ہنس کے تجھے دے دوں تیری تو کوئی بات بھی ہم سے ٹالی نہیں جاتی آئے کوئی آ کر یہ تیرے درد سنبھالے اب ہم سے تو یہ جاگیر اب سنھبالی نہیں جاتی معلوم ہمیں بھی ہیں تیرے بہت سے قصے پر بات کوئی تیری ہم سے اچھالی نہیں جاتی ہمراہ تیرے پھول کھلاتی تھی جو دل میں اب شام وہی درد سے کبھی خالی نہیں جاتی ہم جان سے جائیں گے تبھی بات بنے گی تم سے تو کوئی راہ اب نکالی نہیں جاتی

گفتگو اچھی لگی ذوقِنظر اچھا لگا   گفتگو اچھی لگی ذوقِ نظراچھا لگا مدتوں کے بعد کوئی ہمسفر اچھا لگا​   دل کا دکھ جانا تو دل کا مسئلہ ہے پر ہمیں اُس کا ہنس دینا ہمارے حال پر اچھا لگا​   ہر طرح کی بے سر و سامانیوں کے باوجود آج وہ آیا تو مجھ کو اپنا گھر اچھا لگا​   باغباں گلچیں کو چاہے جو کہے ہم کو تو پھول شاخ سے بڑھ کر کفِ دلدار پر اچھا لگا​   کون مقتل میں نہ پہنچا کون ظالم تھا جسے تیغِ قاتل سے زیادہ اپنا سر اچھا لگا​   ہم بھی قائل ہیں وفا میں استواری کے مگر کوئی پوچھے کون کس کو عمر بھر اچھا لگا​   اپنی اپنی چاہتیں ہیں لوگ اب جو بھی کہیں اک پری پیکر کو اک آشفتہ سر اچھا لگا​   میر کے مانند اکثر زیست کرتا تھا فراز تھا تو وہ دیوانہ سا شاعر مگر اچھا لگا​   احمد فراز

Aap kia yaad aati rahi rat bhar   ‘Aap ki yaad aati rahi raat bhar’ Chandni dil dukhaati rahi raat bhar   Gaah jalti hui gaah bujti hui Shamm-e-gham jhilmilaati rahi raat bhar   Koi khushboo badalti rahi pairahan Koi tasveer gaati rahi raat bhar   Phir sabaa saayaa-e-shaakh-e-gul ke tale Koi kissa sunaati rahi raat bhar   Jo na aayaa use koi zanjeer-e-dar Har sadaa par bulaati rahi raat bhar   Ik ummeed se dil behaltaa raha Ik tamannaa sataati rahi raat bhar  

Tere ishq ki intiha chahta hun   Tere Ishq ki Inteha Chahta Hun Meri Sadgi dekh mein kia chahta Hun   Sitam Ho Ke Ho Wada e Behijabi Koi Baat Sabr Azma Chahta Hun   Ye Jannat Mubarik Rahe Zahidon Ko Ke Mein Aap Ka Samna Chahta Hun   Zara Sa Tu Dil Houn Magar Shokh Itna Wohi Lan Tarani Suna Chahta Hun   Bhari Bazm Mein Raaz Ki Baat Keh Di Bara Be-Adab Hun, Saza Chahta Hun   Koi Dam Ka Mehman Hun Ae Ahl e Mehfil Charagh e Sehar Hun, Bujha Chahta Hun   Allama Iqbal

Samander me utarta hun   Samandar Me Utarta Hun To Ankhain Bheeg Jati Hain Teri Ankhon Ko Parhta Hun To Ankhain Bheeg Jati Hain   Tumhara Nam Parhne Ki Ijazat Chin Gai Jab Se Koi Bhi Lafz Parhta Hun To Ankhain Bheeg Jati Hain   Me Huns Kar Jhail Leta Hun Judai Ki Sabhi Rasmen Galy Jab Us K Lagta Hun To Ankhain Bheeg Jati Hain   Na-Jany Ho Gaya Hun Is Qadar Hassas Me Kab Se Kisi Se Bat Karta Hun To Ankhain Bheeg Jati Hain   Wo Sab Guzry Hue Lamhaat Mujh Ko Yad Ate Hain Tumhare Khat Jo Parhta Hun To Ankhain Bheeg Jati Hain   Me Sara Din Bohat Masroof Rehta Hun Magr Junhi Qadam Chokhat Pe Rakhta Hun To Ankhain Bheeg Jati Hain   Har Aik Muflis K Mathy Par Alam Ki Dastany Hain Koi Chehra Bhi Parhta Hun To Ankhain Bheeg Jati Hain   Bary Logon K Oonchy, Bad-Numa Or Sard Mehlon Ko Gareeb Ankhon Se Takta Hun To Ankhain Bheeg Jati Hain   Tere Koochy Se Ab Mera Ta'aluq Wajabi Sa Hai Magr Jab Bhi Guzr...

گر نہیں ہے تو اسے مت کیجے   گر نہیں ہے تو اسے مت کیجے یونہی ضائع نہ محبت کیجے   کیا دکھاوے کا تعلق رکھنا اس سے بہتر ہے کہ نفرت کیجے   جو نہیں آپ کا اس کا ہونا ہے حماقت نہ حماقت کیجے   مار ڈالے گی مروت ہم کو ختم ہر اپنی عنایت کیجے   بے وفا ہو کہ ہو مجبور کوئی بہ خوشی ایسوں کو رخصت کیجے   جانے والوں کو دعا دے کے کہو پھر سے آنے کی نہ زحمت کیجے   آپ کس کس کو جئیں گے توبہ چار دن خود میں سکونت کیجے   مانا مشکل ہے سنبھلنا دل کا دل سے ہر گز نہ رعایت کیجے   دل کی فطرت ہے بغاوت کرنا اب کہ اس دل سے بغاوت کیجے   ایک ہی شخص کو لکھے جانا بند ابرک یہ بلاغت کیجے   اپنے حصے میں بھی رکھ لیجے کچھ اب کہ ابرک جو محبت کیجے   ۔۔۔۔ اتباف ابرک

تمہارے شہر کا موسمبڑا سہانا لگے   تمہارے شہر کا موسم بڑا سہانا لگے میں ایک شام چرا لوں اگر برا نہ لگے   تمہارے بس میں اگر ھو تو بھول جاؤ ھمیں تمہیں بھلانے میں شاید ، مجھے زمانہ لگے   ھمارے پیار سے جلنے لگی ھے اک دنیا دعا کرو کسی دشمن کی بد دعا نہ لگے   نہ جانے کیا ھے اس کی بیباک آنکھوں میں وہ منہ چھپا کے جائے بھی تو بےوفا نہ لگے   جو ڈوبنا ھے تو اتنے سکون سے ڈوبو کہ آس پاس کی لہروں کو بھی پتا نہ لگے   ھو جس ادا سے میرے ساتھ بے وفائی کر کہ تیرے بعد مجھے کوئی بے وفا نہ لگے   وہ پھول جو میرے دامن سے ھو گیا منسوب خدا کرے انہیں بازار کی ھوا نہ لگے   تم آنکھ موند کے پی جاؤ زندگی ، قیصر کہ ایک گھونٹ میں شاید یہ بد مزہ نہ لگے۔۔   نذیر قیصر

Main laakh malamat she   kar bhi Main Laakh Malamat Seh Kar Bhi Tre Sath Raha! Tra Yaar Raha Main Nay Murr Kay Nahi Dekha Uss Ko Tujhe Jis Jis Say Inkar Raha!!   Jo Lafz Ka Pesha Karte They Masroof Rahe Mashhoor Hue Tri Yaad Mri Mazdori Thi Main Jeewan Bhar Bekaar Raha

سچ کبھی بھی فنا نہیں ہوتا   سچ کبھی بھی فنا نہیں ہوتا جھوٹ قائم سدا نہیں ہوتا   آج ہوتے نہ ہم کبھی تنہا ہم میں گر تیسرا نہیں ہوتا   کیسے پہنچوں گا یار منزل پر بیچ میں راستہ نہیں ہوتا   جتنے تم پوج لو بھلے پتھر بت کبھی بھی خدا نہیں ہوتا   پہلے ہوتا تھا میں پریشاں بھی بعد تیرے ذرا نہیں ہوتا   مان ٹوٹا ہے اس کے ہاتھوں سے پھول جس سے جدا نہیں ہوتا   عشق بس ایک بار ہوتا ہے دوسری مرتبہ نہیں ہوتا   تب تلک سانس ہی نہیں تھمتی جب تلک رابطہ نہیں ہوتا   سوچتا ہے نماز میں حوریں شیخ بھی پارسا نہیں ہوتا   شاعری بے مزہ ہی رہنی تھی غم کا گر آسرا نہیں ہوتا   بے وفا کہہ رہے ہو بازِغ کو ہر کوئی آپ سا نہیں ہوتا منور حسین بازِغ

اے مُصوِّر ، میرے محبوب کی تصویر بنا ۔۔   اے مُصوِّر، میرے محبوب کی تصویر بنا ۔۔ تُجھ سے بن جائے تو، بِگڑی ہوئی تقدیر بنا۔۔ زُلف ایسی ہو کہ، برسات بھی پانی مانگے ۔۔ سُرخ ہونٹوں سے ہر اِک پھول جوانی مانگے ۔۔ نَرگِسی آنکھوں میں کاجل کے وہی تِیر بنا ۔۔ اے مُصوِّر، میرے محبوب کی تصویر بنا ۔۔۔۔۔ میں تُجھے حُسن کے انداز سکھاوں کیسے ۔۔ اپنی آنکھیں، تیرے چہرے پہ لگاوں کیسے ۔۔ تیرا در چھوڑ کر جاؤں تو ۔۔۔۔۔۔۔ جاؤں کیسے جس میں اُلجھی رہوں دَن رات، وہ زنجیر بنا ۔۔ اے مُصوِّر، میرے محبوب کی تصویر بنا--

الاؤ میں دھمال کر رہا ہوں میں   الاؤ میں دھمال کر رہا ہوں میں اور آگ سے وصال کر رہا ہوں میں   تجھے تو ہنس کے الوداع کہہ دیا اور اب جو اپنا حال کر رہا ہوں میں ؟؟   پتا بھی ہے نہیں سنے گی وہ، مگر پتا ہے ! پھر بھی کال کر رہا ہوں میں   خدا کا شکر کر کہ تجھ سے دور ہوں ابھی ترا خیال کر رہا ہوں میں   علی غزل میں دستخط تھا عشق کا وہ دستخط بحال کر رہا ہوں میں   !

خطائیں بخش دے میری اے میرے مالک   خطائیں بخش دے میری اے میرے مالک میں تو مفلس ہوں مالک کل تو ہے   دے توفیق سجدہ تو مجھے میرے مرنے تک لائک عبادت کے اس جہاں میں بس تو ہے   گناہوں سے بھرا ہوا ہے یہ وجود میرا پاک کردے میرا دل رحیم و کریم تو ہے   دے طاقت کر سکوں حمد و ثنا تیری رحمتوں کا تو سارا جہاں تو ہے   میرا غرور و تکبر خاک ہوجائے میں ہوں انساں مگر عظیم تو ہے   شرف بخش دے دعا کو میری قبول ہونے کا میں حقیر و فقیر ہوں دینے والا تو تو ہے   میری اوقات کیا میرا خمیر مٹی ہے اک تو ہی واحد ہے احد و صمد تو ہے