Aap ki yaad aati rahi rat bhar by Faiz Ahmed Faiz

Aap kia yaad aati rahi rat bhar

 

‘Aap ki yaad aati rahi raat bhar’

Chandni dil dukhaati rahi raat bhar

 

Gaah jalti hui gaah bujti hui

Shamm-e-gham jhilmilaati rahi raat bhar

 

Koi khushboo badalti rahi pairahan

Koi tasveer gaati rahi raat bhar

 

Phir sabaa saayaa-e-shaakh-e-gul ke tale

Koi kissa sunaati rahi raat bhar

 

Jo na aayaa use koi zanjeer-e-dar

Har sadaa par bulaati rahi raat bhar

 

Ik ummeed se dil behaltaa raha

Ik tamannaa sataati rahi raat bhar