Urdu Sad Poetry Ghazal

جو آستاں سے تیرے لو لگائے بیٹھے ہیں   جو آستاں سے تیرے لو لگائے بیٹھے ہیں خدا گواہ ہے وہ دنیا پہ چھائے بیٹھے ہیں   چمک رہی ہیں جبینیں تیرے فقیروں کی تجلیات کے سہرے سجائے بیٹھے ہیں   خدا کے واسطے اب کھول ان پہ بابِ عطا جو دیر سے تیری چوکھٹ پہ آئے بیٹھے ہیں   جلائے گی اب کیا چمن میں برقِ فلک جو آشیانہ ِ ہستی جلائے بیٹھے ہیں   بڑے بڑوں کے سروں سے اتر رہا ھے خُمار وہ آج خیر سے محفل پہ چھائے بیٹھے ہیں   مجال ھے جو کوئی لب ہلے سرِ محفل وہ ایک ایک کو آنکھیں دکھائے بیٹھے ہیں   یہ ہم ہیں کہ اپنوں کے دل نہ جیت سکے وہ دشمنوں کو بھی اپنائے بیٹھے ہیں   اجل بھی ہم کو اٹھانے پہ اب نہیں قادر یہاں ہم آج کسی کے بٹھائے بیٹھے ہیں   وفا کے نام پہ دشمن کا امتحان سہی کہ دوستوں کو ہم آزمائے بیٹھے ہیں   نصیرؒ ہم میں تو اپنوں سی کوئی بات نہیں کرم ھے ان کا جو اپنا بنائے بیٹھے ہیں   کلام حضرت خواجہ پیرسید نصیر الدین نصیرؔ شاہ گیلانی