tum mera piyar yaad rakho ge
تم مِرا پیار یاد رکھو گے آخری بار یاد رکھو گے ؟ تم مِرا پیار یاد رکھو گے ؟ میں ؟ مجھے ؟ میرا پیار ؟ یعنی تم ؟ کون با اختیار ؟ یعنی تم ! جانتا تھا کہ اس محبت کو ! ایک کمزور سی رفاقت کو ! اک فسانہ بنا کے چھوڑو گے ! میری ہستی مٹا کے چھوڑو گے ! جب کہا تھا کہ سکھ نہیں مجھ میں ! چین ٹھہرا نہیں کہیں مجھ میں ! آنکھ میں آب ٹوٹ جاتا ہے ! میرا ہر خواب ٹوٹ جاتا ہے ! راستے سب سراب ہیں ! پاگل ! اور بہت سے عذاب ہیں ! پاگل ! میرا ہر جرم غیر ارادی ہے ! میرے سائے میں نامرادی ہے ! لوگ پوچھیں گے ! بے کلی ہے تمہیں ؟ مجھ سے پرہیز ہی بھلی ہے تمہیں ! کچھ نہیں ! اب تو کچھ رہا ہی نہیں ! اب میں اپنے لیے بچا ہی نہیں ! جب میں خود کو ہی چھوڑ دیتا ہوں ! خود کو میں خود ہی توڑ دیتا ہوں ! تم کہاں تک سنبھال رکھو گے ؟ خود کو کب تک نڈھال رکھو گے ؟ کیا تمہیں سب نہیں بتایا تھا ؟ اور کب کب نہیں بتایا تھا ! میرے حالات تم نہیں سمجھے ! تب مری بات تم نہیں سمجھے ! کر گئے پھر مرا جہاں خالی ! کیا ملا ؟ کر کے دل مکاں خالی ؟؟