Urdu Sad Poetry Ghazal

اس برسات کے بعد   دل پر بوجھ ہے بھاری سا اک آج کی اس برسات کے بعد جم کے برسا ہے یہ ساون دیکھو میری مات کے بعد   بیتے لمحے سوچتا ہوں تو دل پر بجلی گرتی ہے تم ملی تھیں مجھکو جاناں کتنی مناجات کے بعد   تیرے کہنے پر میں سب کچھ پہلے جیسا مان بھی لوں پر بھولوں کیسے منہ پھیرا تھا تو نے التجات کے بعد   تجھ کو میری الفت جھوٹی لگتی تھی پر سچی تھی اک دن پھر سے ہوگا نافذ عشق اصلاحات کے بعد   تم چپ بیٹھو سامنے میرے جی بھر تمکو دیکھ تو لوں شاید ہم تم مل نا پائیں آجکی کالی رات کے بعد   اپنا اپنا سوچیں گے اب دنیاداری بھاڑ میں جائے پیچھے باقی بچتا کیا ہے تیری میری بات کے بعد   چل پھر   جی لیں اپنی اپنی جتنی باقی بچتی ہے حال بھی تیرا دیکھونگا میں عملِ مکافات کے بعد   دیکھ کے اپنی بربادی کو آج سمجھ یہ آیا مجھکو کیسے زندہ رہ پاتے ہیں ایسے حادثات کے بعد

میں ہار کر جب پلٹ رہا تھا   میں ہار کر جب پلٹ رہا تھا مری صفوں میں جشن بپا تھا وہ میرے اپنے تھے جن کی خاطر دیئے میں خوابوں کے ساتھ لے کر نکل پڑا تھا میں آندھیوں سے الجھ پڑا تھا انہی کے ہاتھوں پہ جب میں لوٹا تو میں نے اپنے لہو کو دیکھا تمام دشمن کے تیر اپنی کماں سے مجھ پر چلانے والو تمہیں مبارک ہو قتل میرا اے شک گزیدہ، حسد کے ماروں کا ساتھ دے کر مجھے ہرا کر وہ جشن فتح منانے والو اے کاش اتنا فہم تو رکھتے کہ میں جو ہارا تو تم بھی ہارو گے ساتھ میرے میرے خدا تو یہ جانتا ہے تیرے کرم کا یقیں ہے لیکن وہ ماں سے بڑھ کر تیری محبت ہے جس کے بل پر سوال تجھ سے میں کر رہا ہوں ترے بھروسے پہ اتنے برسوں جو میں نے کی تھی مری مشقت مری ریاضت مری طلب رائیگاں ہوئی کیا؟   عبداللہ آزاد

وہ تمام میری حماقتیں   وہ تمام میری حماقتیں جو ہوٸی گناہوں کی چھاؤں میں وہ عمل کی ساری کثافتیں، جو لکھی گٸی ہے فضاؤں میں تیرے سامنے ہیں زرا زرا تیری ذات واقف حال ھے میں بری سہی مجھے بخش دے ♡ میرے دل کو سخت ملال ہے میری نیند آنکھوں سے دور ہے میری حیات گناہوں سے چور ہے یہ کرم ہے رب جہاں تیرا، ♡ میرا ہر گناہ بےنقاب ہے تجھے اختیار ہے سب کا سب ، میرا تجھ سے اتنا سوال ہے تو معاف کر تو کریم ہے، بس تو ہی رب ذوالجلال ہے۔

اپنے کملے پر بھی کملی کی عطا کر دیجیے   اپنے کملے پر بھی کملی کی عطا کر دیجیے اب مِرے دل کو بھی دنیا سے رہا کر دیجیے   اک بلائے وسوسہ کی زد میں ہیں لوگوں کے دل صاحبِ والنّاس ہیں! ردِّ بلا کر دیجیے   زنگ آلودہ ہوئی جاتی ہیں آنکھیں یا نبی !! ابرِ رحمت بھیج کر ان کو نیا کر دیجیے !   ہم اچھوتوں کا مسیحا اور تو کوئی نہیں آپ ہیں ! بس آپ ہیں آقا ! شفا کر دیجئے !   آپ کے در پر کھڑے روتے ہیں یہ بِنتی لیے آپ ہیں رب کے کُنور ! ہم کو شما کر دیجئے   یا رسول اللہ!!! پاکستان   ہندوستان کیا ! پورے عالم کے غریبوں کا بھلا کر دیجئے   یا نبی اللہ ! جنابِ آمنہ کا واسطہ میری ماں کی قبر کو جنت کشا کر دیجیے   یا محمد یا علی   کہتے جو تھکتا ہی نہیں میرے بابا کی ضعیفی کو ضیاء کر دیجئے   آپ   کی سرکار میں مقطع میں بھی ہو نام کیوں؟؟ جو مِرے آقا کی مرضی ! جو رضا ! کر دیجیے !!

بند مٹھی کی طرح وہ بھی کھلتا ہی نہیں   بند مٹھی کی طرح وہ بھی کھلتا ہی نہیں فاصلے اور بڑھا دیتی ہے قربت اس کی   کس نے جانا ہے بدلتے ہوئے موسم کا مزاج اس کو چاہوں تو سمجھ پاؤ گے فطرت اس کی

جو آستاں سے تیرے لو لگائے بیٹھے ہیں   جو آستاں سے تیرے لو لگائے بیٹھے ہیں خدا گواہ ہے وہ دنیا پہ چھائے بیٹھے ہیں   چمک رہی ہیں جبینیں تیرے فقیروں کی تجلیات کے سہرے سجائے بیٹھے ہیں   خدا کے واسطے اب کھول ان پہ بابِ عطا جو دیر سے تیری چوکھٹ پہ آئے بیٹھے ہیں   جلائے گی اب کیا چمن میں برقِ فلک جو آشیانہ ِ ہستی جلائے بیٹھے ہیں   بڑے بڑوں کے سروں سے اتر رہا ھے خُمار وہ آج خیر سے محفل پہ چھائے بیٹھے ہیں   مجال ھے جو کوئی لب ہلے سرِ محفل وہ ایک ایک کو آنکھیں دکھائے بیٹھے ہیں   یہ ہم ہیں کہ اپنوں کے دل نہ جیت سکے وہ دشمنوں کو بھی اپنائے بیٹھے ہیں   اجل بھی ہم کو اٹھانے پہ اب نہیں قادر یہاں ہم آج کسی کے بٹھائے بیٹھے ہیں   وفا کے نام پہ دشمن کا امتحان سہی کہ دوستوں کو ہم آزمائے بیٹھے ہیں   نصیرؒ ہم میں تو اپنوں سی کوئی بات نہیں کرم ھے ان کا جو اپنا بنائے بیٹھے ہیں   کلام حضرت خواجہ پیرسید نصیر الدین نصیرؔ شاہ گیلانی

غیر کی باتوں کا آخِر اِعتِبار آ ہی گیا   غیر کی باتوں کا آخِر اِعتِبار آ ہی گیا میری جانِب سے تِرے دِل میں غُبار آ ہی گیا   جانتا تھا کھا رہا ہے بے وفا جُھوٹی قسم سادگی دیکھو کہ پِھر بھی اِعتِبار آ ہی گیا   پُوچھنے والوں سے گو مَیں نے چُھپایا دِل کا راز پھر بھی تیرا نام لب پر ایک بار آ ہی گیا   تُو نہ آیا او وفا دُشمن تو کیا ہم مر گئے چند دِن تڑپا کِئے آخِر قرار آ ہی گیا   جی میں تھا اے حشرؔ اُس سے اب نہ بولیں گے کبھی بے وفا جب سامنے آیا تو پیار آ ہی گیا۔۔۔!   : آغا حشرؔ کاشمیری