Buhut khoobsorat ho tum
بہت خوبصورت ھو تم
کبھی میں جو کہہ دُوں محبت ھے تم سے
تو مجھ کو خُدارا غلط مت سمجھنا
کہ میری ضرورت ھو تم
بہت خوبصُورت ھو تم
ھیں پھُولوں کی ڈالی ، یہ بانہیں تمہاری
ھیں خاموش جادُو نگاھیں تمہاری
جو کانٹے ھوں سب ، اپنے دامن میں رکھ لُوں۔
سجاؤں میں کلیوں سے راھیں تمہاری
نظر سے زمانے کی خود کو بچانا
کسی اور سے دیکھو دل نہ لگانا
کہ میری امانت ھو تم
بہت خوبصُورت ھو تم
ھے چہرہ تمہارا ، کہ دن ھے سنہرا
اور اُس پر یہ کالی گھٹاؤں کا پہرا
گلابوں سے نازک مہکتا بدن ھے
یہ لب ھیں تمہارے کہ کِھلتا چمن ھے
بکھیرو جو زلفیں تو شرمائے بادل
یہ زاھد بھی دیکھے تو ھو جائے پاگل
وہ پاکیزہ مُورت ھو تم
بہت خوبصُورت ھو تم
جو بن کے کلی مسکراتی ھے اکثر
شبِ ھجر میں جو رُلاتی ھے اکثر
جو لمحوں ھی لمحوں میں دنیا بدل دے
جو شاعر کو دے جائے پہلو غزل کے
چھپانا جو چاھیں چھپائی نہ جائے
بھلانا جو چاھیں بھلائی نہ جائے
وہ پہلی محبت ھو تم
بہت خوبصُورت ھو تم
Comments
Post a Comment