Aesa nahi ke humko muhabbat nahi mili

ایسا نہیں کہ ہم کو محبت نہیں مِلی

 

ایسا نہیں کہ ہم کو محبت نہیں مِلی

ہم جیسی چاہتے تھے وہ قُربت نہیں مِلی

 

ملنے کو زندگی میں کئی ہمسفر ملے

لیکن طبیعتوں سے طبیعت نہیں ملی

 

چہروں کے ہر ہجوم میں ہم ڈُھونڈتے رہے

صُورت نہیں ملی کہیں سیرت نہیں ملی

 

وہ یک بیک ملا تو بہت دیر تک ہمیں

الفاظ ڈُھونڈنے کی بھی مُہلت نہیں ملی

 

اُس کو گِلہ رہا کہ توجہ نہ دی اُسے

لیکن ہمیں خُود اپنی رفاقت نہیں ملی

 

ہر شخص زندگی میں بہت دیر سے مِلا

کوئی بھی چیز حسبِ ضرُورت نہیں ملا۔۔۔......